മറുപടിയില്ലാത്ത 17 ഗോളുകള്‍! ജൂനിയര്‍ ഹോക്കി ലോകകപ്പില്‍ ഒമാനെയും തകര്‍ത്ത് ഇന്ത്യ

ടൂർണമെന്റിൽ ഇന്ത്യയുടെ തുടർച്ചയായ രണ്ടാം വിജയമാണിത്

ജൂനിയർ ഹോക്കി ലോകകപ്പിൽ ഇന്ത്യയ്ക്ക് ഉജ്ജ്വല വിജയം. പൂൾ ബി മത്സരത്തിൽ ഒമാനെ എതിരില്ലാത്ത 17 ഗോളുകൾക്കാണ് ഇന്ത്യ തകർത്തെറിഞ്ഞത്. ദിൽരാജ് സിങ് നാലുഗോളുകളുമായി തിളങ്ങി. ടൂർണമെന്റിൽ ഇന്ത്യയുടെ തുടർച്ചയായ രണ്ടാം വിജയമാണിത്. ആദ്യ മത്സരത്തിൽ ചിലിയെ മറുപടിയില്ലാത്ത ഏഴ് ​ഗോളുകൾക്ക് പരാജയപ്പെടുത്തിയിരുന്നു.

India gave the home crowd plenty to cheer for against Oman, while Switzerland eked out a crucial win over Chile as Day 2 of #JWC2025 action came to a close in Tamil Nadu.📱Stream all the matches live on https://t.co/udLVbj7zoI. #Hockey #RisingStars #MadeForHockey

ആദ്യ ക്വാര്‍ട്ടറില്‍ ഒരു ഗോള്‍ മാത്രം കണ്ടെത്താനായ ഇന്ത്യ രണ്ടാം ക്വാര്‍ട്ടറിൽ മുന്നേറ്റം ശക്തമാക്കുകയായിരുന്നു. നാലാം മിനിറ്റില്‍ അര്‍ഷ്ദീപ് സിങ്ങാണ് ഇന്ത്യയുടെ ആദ്യഗോള്‍ നേടിയത്. പിന്നീട് 17,26 മിനിറ്റുകളില്‍ മന്‍മീത് സിങ് വലകുലുക്കി. ദില്‍രാജ് സിങ്, അന്‍മോള്‍ എന്നിവരും ലക്ഷ്യം കണ്ടതോടെ ആദ്യ പകുതി അഞ്ച് ഗോളുകള്‍ക്ക് ടീം മുന്നിട്ടുനിന്നു.

മൂന്നാം ക്വാര്‍ട്ടറിൽ എട്ട് ഗോളുകളാണ് ഇന്ത്യ ഒമാന്റെ വലയിലേക്ക് അടിച്ചുകയറ്റിയത്. ഇതോടെ ഇന്ത്യ 13-0 ന് മുന്നിട്ടുനിന്നു. അവസാന ക്വാര്‍ട്ടറിലും നാല് ഗോളുകൾ കണ്ടെത്തിയ ഇന്ത്യ മറുപടിയില്ലാത്ത 17 ഗോളുകളുടെ വിജയം സ്വന്തമാക്കി.

Content Highlights: Junior hockey World Cup: India slams 17 past Oman

To advertise here,contact us